Ижевск шәһәрендә мәктәптә атыш вакытында 5 бала имгәнгән, мәктәп сакчысы һәлак булган. Бу турыда РЕН ТВ хәбәр итте.
Канал белешмәсе буенча, атыш дәрес вакытында була. 4 балага атып яраланган, 1 бала пычак белән яраланган.
Җинаятьче әлегә тоткарланмаган.
РИА Новости Удмуртия башлыгы Александр Бречаловка сылтама белән хәбәр иткәнчә, Ижевскида махсус хезмәтләр эшли. «88 нче мәктәптәге хәл буенча: бөтен көчләр һәм чаралар кулланыла. Урында барлык махсус хезмәтләр, ашыгыч ярдәм эшли. Мин урынга килдем, барысы турында да оператив хәбәр итеп торачакмын», – ди ул Telegram-каналында.
112 хәбәр иткәнчә, дәрес вакытында класска билгесез ир-ат килеп керә, ул кара костюмда була. Бу кеше балаларга ата башлый. Мәктәп директоры яраланган үсмер белән кабинетына качарга һәм эчтән бикләнергә өлгерә. Яраланган сакчы үлә, диелә бу хәбәрдә.
