Июльдә суганга соңгы ашлама кертү вакыты: мул һәм сусыл суган җыеп алу өчен нәрсә кирәк?

Июль – суган үссен өчен хәлиткеч ай. Нәкъ менә бу чорда суган актив рәвештә суган башын формалаштыра, һәм зур, озак саклана торган яки вак, тиз бозыла торган суган җыю сезнең үзегездән тора. Шушы чакта суганны ничек һәм нәрсә белән дөрес ашларга икәнен киңәшләр сайтында язалар.

Нигә июльдә суганга ашлама аеруча кирәк?

Җәй уртасында үсемлек барлык көчен суган башы үстерүгә юнәлтә. Бу процессның төп элементы – калий. Ул түбәндәгеләрне тәэмин итә:

• Кыяклардан суган башына туклыклы матдәләрне күчерә.
• Башларның зурлыгын һәм тыгызлыгын арттыра.
• Чыдамлылыкны яхшырта – суган озак саклана

Әгәр калий җитмәсә, сез куе яшеллек, ләкин вак, саклауга яраксыз суган гына алырга мөмкин.

Суган өчен иң яхшы 4 ашлама варианты

1. Калий сульфаты

• Тиз үзләштерелә.
• Суган башларын ныгыта.

Куллану тәртибе: 10 литр суга 20 г салып, тамыр астына сибәргә.

2. Калий монофосфаты

Калий + фосфор = икеләтә файда.

Эре һәм тыгыз суган башларын формалаштыра.

Куллану тәртибе: 10 литр суга 20 г.

3. Катлаулы ашламалар (комплекслы) – составында азот аз, калий күп булган ашламалар сайлагыз.

4. Агач көле (древесная зола)

Табигый калий чыганагы.

Корткычлардан саклый.

Куллану тәртибе: 1 литр көлгә 9 литр кайнар су салып, 2 тәүлек төнәтергә. Аннары 0,5 литр төнәтмәне 9 литр суга кушып, сибәргә.

Суган үстерүчеләргә мөһим киңәшләр

Кояш һәм җылы урын – суган салкын һәм күләгәне яратмый.

Температура +13°C тан түбән булмасын.

Су сибү – бары тик июль уртасына кадәр. Аннары туктатырга, чөнки суган башлары черергә мөмкин.

Кыякларны кисмәгез! Алар күп булса, башлар да зур була.

Ашлама кертү графигы

Беренче ашлама – суган башы формалаша башлаганда (гадәттә июль уртасында).

Икенче ашлама – 10-14 көннән соң кабатларга.

Нәтиҗә

Әгәр июль аенда суганга җитәрлек калий бирсәгез, көзгә сез зур, тыгыз һәм кыш буена саклана торган суган җыеп алачаксыз. Бу ысулларны кулланып карагыз – нәтиҗәсе сөендерер!