«Известия» газетасы хәбәр иткәнчә, июль ае күпләр өчен Россиядә начар һава торышы символы булачак.
Илнең кайбер үзәк өлешләрендә уртача тәүлеклек һава температурасы гадәттәгедән түбән була, һәм яңгыр яву ихтималы сизелерлек арта. Җәй уртасында Россиянең көньяк өлеше корылык һәм югары температура аркасында янгыннардан интегәчәк, диелә бу хәбәрдә.
«Россиянең Европа өлешендә һәм көньякта, аерым алганда Черноземьеда, Краснодар һәм Ставрополь краенда, явым-төшем җитмәү һәм югары температуралар сәбәпле коры июль көтелә», – дип хәбәр итә «Известия».
Себердә һәм Якын Көнчыгышта да янгыннар, алдагы айларда кебек, дәвам итәчәк. Май аенда янгын мәйданы 600 мең гектардан артты, ә Бурятия һәм Байкал аръягы краенда гадәттән тыш хәл режимы кертелде.
Моннан тыш, Үзәк Россия һәм Уралда циклоннар һәм антициклоннар алышыну фонында, атмосфера басымы еш үзгәрәчәк. Җәйге нормаль 740 мм терекөмеш баганасы урынына басым 730-731 мм тирәсенә кадәр төшәчәк, бу – метеосизгер кешеләргә көчле йогынты ясаячак, диелә хәбәрдә.
