Җитмеш яшьлек Алла Пугачева сәхнәгә кайта
Кеше гомерендә җитмеш яшь бер тапкыр гына була, ди Примадонна.
Россия эстрадасының Примадоннасы Алла Пугачева якынча ун еллык тәнәфестән соң сәхнәгә кайта. Бу турыда «Российская газета» сайты хәбәр итә.
Киләсе елга 17 апрельдә Пугачева Кремль сарае сәхнәсендә юбилей концерты күрсәтәчәк. Бу турыда Кремль сарае мәйданчыгы сайтында хәбәр ителә.
Юбилей программасы «Алла Пугачёва.
- 2019 елның 15 апрелендә Алла Пугачевага җитмеш яшь тула. Ул 2010 елда гастрольләргә йөрми башлавы турында әйткән иде. Шуннан соң ун елга якын бер генә сольный концерт та күрсәтмәде.
Булачак шоу турында Алла Пугачева үзенең инстаграмдагы сәхифәсендә дә яза. «Кеше гомерендә җитмеш яшь бер тапкыр гына була. Ходаем, бу кичкә көч бир миңа», дигән ул.
