"Җитмәгән җире юк": Айгөл Бариева "Ералаш"та төшкән - видео

Айгөл Бариева "Ералаш" тапшыруында төшкән. Ул укытучы ролен башкарган. Бу турыда җырчы үзе Инстаграмдагы сәхифәсендә хәбәр итте.

"Ниһаять, "Ералаш"та дебютым булды. Мин укытучы - Мария Васильевна ролендә. "Ералаш"ны ясаучыларга мине чакырганнары өчен рәхмәт. Үземне тагын яңа рольдә сынап карау кызык булды", - дип яза Айгөл Бариева.

"Ералаш"ның чираттагы сериясен төшерү өчен Казанга Борис Грачевский үзе килгән. Айгөл Бариева автор белән төшкән фотосын да Инстаграмда күрсәтте.

Инстачылар Айгөлне Мәскәүгә алып китмәсеннәр дип курыккан. 

"Җитмәгән җирең юк синең, Айгөл", дип тә язганнар.