Гөлгенә Сабитовадан итле һәм дөгеле пәрәмәч рецептын тәкъдим итәбез.
Пәрәмәч камыры өчен 100 грамм каймак яки сыер мае яисә сыек май, 1 бал кашыгы тоз, 1 аш кашыгы шикәр комы, 1 бал кашыгы коры чүпрә, ярты стакан сөт, ярты стакан су, он кирәк.
Эчлек өчен – тозлы суда бүрттерелгән дөге, суган, фарш, тоз, борыч.
Чүпрәне җылымса суда эретеп алырга. Калган ингредиентларны салып камыр ясарга.
Дөгене тозлы суда бүрттереп алырга. Ит янына суган, тоз, борыч салып болгатырга.
Камырдан кечкенә җәймәләр җәяргә, эчлеген салырга һәм пәрәмәчләр ясарга. Аннары майланган табага тезәргә һәм духовкада пешерергә.
«Пәрәмәчләрне табынга шулпа белән бирергә, эченә кайнар, суганлы, укроплы шулпа салып ашарга. Бик тәмле», –дип язган хуҗабикә социаль челтәрдәге битендә.