Итле-бәрәңгеле пәрәмәч
Пәрәмәчләргә фарш салып ясасаң, тагы да тәмле була.
Камыр өчен: 1 стакан кайнар суга 1 стакан салкын сөт, 0,5 стакан үсемлек мае (чистасы), 1 бал кашыгы тоз, 1 аш кашыгы шикәр комы һәм 1 пакет (11 граммлы кечкенәсе) “Саф момент” чүпрәсе.
Ингредиентларын барысын бергә салып, яхшылап болгатасың. Аннан соң 5 стакан он салып басасың, тик 5 нче стаканны салып ук бетермичә, иң элек камырның тыгызлыгын карарга кирәк (артык каты да, йомшак та булмасын). Аннан соң тишек булмаган целлофан пакетка тутырып, пакетның очыннан гына һава кермәслек итеп бәйлисең дә суыткычның өске киштәсенә куясың.
Эчлеккә фарш һәм бәрәңге боламыгы.
Камыр өстенә тоз, борыч, суган, күкәй, иттарткычтан чыгарылган итне болгатып салабыз, өстенә бәрәңге боламыгы сылыйбыз.
