Италиягә сәяхәткә киткән блогер Олеся Лесная гаҗәеп, бик сирәк була торган күренеш шаһиты булган – Олеся Сицилиядә вакытта Этна вулканы уянган.
«Мин шокта!!! Минем күз каршымда Европадагы иң биек вулкан – Этна вулканы уянды. Һәм миңа моны күрү насыйп булды», – дип әлеге күренешне Олеся видеоларда күрсәтә. Блогерның дус кызы да аннан ким гаҗәпләнмәгән. Биредә 3 ел яшәү дәверендә аның да аткан вулканны күргәне булмаган. Ике дуста да – шок, шул ук вакытта аларны курку хисе дә биләп алган.
Дуслары исә Олесяның видеолары янында: «Хәтта вулкан да синең энергиягә түзеп тора алмаган», «Үзең нинди, тирә-юнең шундый. Вулканнар белән элемтәң бар, ахры», – дип шаян комментарийлар калдыралар.