Салат өчен: 200 грамм пешкән сыер ите, 1 банка маринадланган баллы гөмбә (опята), 2 маринадланган кыяр, 1 зур баллы борыч, 1 суган, 3 тырнак сарымсак, яшел тәмләткечләр, майонез.
Баллы борычның орлыкларын чистартып, саламлап турарга.
Суганны ярымбоҗралап, пешкән сыер итен һәм кыярны саламлап, яшел тәмләткечләрне вак итеп турарга, сарымсакны изәргә.
Барысын бергә кушарга да, тәменчә тоз сибәргә һәм майонез белән болгатырга.
Табынга матур итеп бизәп чыгара аласыз.