Инстаграм кулланучыларны тәмле рецептлары белән сөендереп торучы Исмегөл апа бу юлы белен пешерергә өйрәтә.
1 кап кефир, 1 йомырка, 1 бал кашыгы тоз, 2 аш кашыгы сыек май, 3–4 аш кашыгы шикәр комы, 11–12 аш кашыгы он алырга кирәк.
Шуларның барысын бергә яхшылап болгатабыз. 0,5 стакан кайнап чыккан суга 0,5 бал кашыгы чәй содасын салабыз. Шуны әзер камырга салабыз.
«Яхшылап болгатканнан соң, камырны 5 минут ял иттерергә, башкача болгатырга кирәкми. 5 минуттан соң, майланган табага салып, беленнәр пешерергә. Тәмле булсын!» — дип яза Байлар Сабасында яшәүче хуҗабикә Исмегөл апа.