Исламда ашау бигрәк тә су эчүгә кагылышлы берничә кагыйдә бар. Бу турыда «Хозур дин турында» телеграм-каналында язалар.
«Суны ашыкмыйча, әкрен генә эчәргә кирәк.
Суны берьюлы түгел, берничә йотым белән эчү кирәк, стакандагы суга сулышыңны өрү дөрес түгел.
Әгәр мөмкинлек булса, суны утырып эчәргә тырышырга кирәк.
Су салынган савытны уң кул белән тотып эчү тиешле.
Су эчәр алдыннан: «Бисмилләәһир-рахмәәнир-рахиим» дип әйтергә, ә эчеп бетергәч «Әлхәмдүлилләһ» дияргә кирәк.
Суың белән башкаларны да сыйлау күркәм гамәл булып тора», – диелә бу хәбәрдә.
