Исламда ашау тәртибе: кул белән ашаргамы, кашык беләнме?
Сорауга “Болгар радиосы”ның “Хак дин” тапшыруында ТР Диния Нәзарәтенең “Хәләл” комитеты җитәкчесе Ирек хәзрәт Җиһаншин җавап бирде.
- Пәйгамбәребез (с.г.в.) вакытында кул белән ашаганнар. Хәзер инде без заманча дөньяда яшибез. Әгәр сезгә уңайлы булса, кул белән ашагыз. Тик безнең җәмгыятьтә хәзер кул белән ашау тискәре күренеш кебек санала. Кашык белән ашасагыз, тагын да хәерле булыр.
