«Искиткеч күренеш» - Рамил Хәйретдинов балаларына догалар өйрәтә
Җырлы гаилә Рамилә һәм Рамил Хәйретдиновларның балалары догаларны яттан сөйли.
Рамилә Хәйретдинова тормыш иптәше һәм балаларының дога укыган күренешләрен видеога төшереп, Инстаграмга куйган.
«Хәерле кичләр, дусларым! Кечкенә чактан ук балаларың белән Аллаһы Тәгалә турында сөйләшмәсәң, олыгайгач Аллаһы белән балаларың турында сөйләшергә туры киләчәк. Безнең кичләр менә шулайрак уза. Рәхмәт, әтисе! Догаларның көче бар!» — дип язган Рамилә Хәйретдинова.
Инстачылар да әлеге видеоны сокланып караганнар.
«Бик тәртипле сез! Бәхетле, ризыклы булыгыз!», «Менә бит нинди матур, тәрбияле гаилә», «Искиткеч матур күренеш!» — дип яза алар.
