Башкортстанның Иске Собхангол авылында юлда йөри торган сыерны машина таптаган. Бу турыда «Башинформ» яза.
Авыл урамында караучысыз йөри торган сыерны таптау турында Бөрҗән районы башлыгы Рамил Абдуллин социаль челтәрләрдә язган.
«Көтү көтү районның берничә торак пунктында гына оештырылган. Әлеге проблеманы хәл итүдә һәр хуҗа катнашырга тиеш. Көтүче табу кыен. Моңа альтернатива – хуҗалар чиратлап көтү яки «электропастух» куллану», – ди район башлыгы.
Җитәкче искәрткәнчә, терлек хуҗалары аны асрау һәм куркынычсызлык өчен, аеруча юлларда, җавап бирә.
