Исерек йөртүче машинасы тротуардан баручы алты җәяүлене таптаган
Гаепле кешегә җиде елга кадәр ирегеннән мәхрүм итү яный.
Түбән Новгородта исерек йөртүче идарә итә торган машина алты җәяүлене таптаган. Аварияне видеокүзәтү камерасы төшереп торган. Әлеге кадрларны РЕН ТВ каналы күрсәтте.
8 мартта машина тротуардан бара торган кешеләргә килеп бәрелә. Аларның бишесе имгәнә, икесен хастаханәгә салалар. Бу турыда Түбән Новгород шәһәре буенча Эчке эшләр министрлыгы идарәсе хәбәр итә.
Исерек килеш юл кагыйдәләрен бозган һәм шул сәбәпле кешеләрнең сәламәтлегенә авыр зыян китергән өчен җинаять эше ачылган. Гаепле кешегә җиде елга кадәр ирегеннән мәхрүм итү яный.
Түбән Новогород прокуратурасы тикшерү башлаган, диелә хәбәрдә.