Исерек укытучы ашыгыч ярдәм табибын кыйнап имгәткән
Кибет янында урамда аунап яткан ир-ат аңына килә һәм табибка суга башлый.
Санкт-Петербургта ашыгыч ярдәм фельдшерын кыйнаганнар. Бу турыда «Вести» каналы хәбәр итте.
19 мартта фельдшерны хәйрия оешмасында мастер-педагог булып эшләүче 31 яшьлек ир-атныкыйнаган дип шикләнәләр.
«Фонтанка» сайты белешмәсе буенча, вакыйга шимбә көнне иртән була. Кибет янында урамда яшь ир-ат ята, ул аңында булмый. Урынга ашыгыч ярдәм чакыралар. Алар җирдә ятучы кешене карый башлый. Шуннан соң пациент аңына килә һәм 31 яшьлек фельдшерның күкрәгенә берничә тапкыр суга.
Ашыгыч ярдәм табибының күкрәк читлеге имгәнә, аның үзен хастаханәгә алып китәләр. Фельдшерга табиблар ярдәм күрсәтә һәм өенә җибәрәләр.
Табибка һөҗүм иткән ир-атка карата вак хулиганлык турында административ протокол төзиләр һәм «кыйнау» маддәсе буенча җинаять эше ачалар. Тикшерү бара, диелә хәбәрдә.