«Исерек күргәне булмагач, Ләйсән аңламый»: Булат Бәйрәмов Яңа ел каршылагач, нинди хәлдә?

Булат Бәйрәмов белән Ләйсән Гыймаева Яңа елда да виртуаль дусларын кызыклы видеолар белән куандыруларын дәвам итә. Алар яңа видеоны «шәп итеп» узыручыларга багышланган.

Видеода күренгәнчә, Булат караватта «ай-ай» дип ыңгырашып ята. «Нәрсә булды? Башың авыртамы? Ашказаның авыртамы? Су биримме?» – дип, Ләйсән борчылгандай итә. Ә Булат «Айкала суларыгыз, чайкала суларыгыз...» – дип җырлап җибәрә.

«Булатка исерек булу килешми», «Исерек булып уйный белмисез, чөнки сез андый түгел», «Булатка килешми исерек булу. Исерек күрмәгәч, бер аңламый бу Ләйсән, икенче көнне ни кирәк икәнне», – дип комментарий язган күпчелек.

«Хәл шулайрак», – дип үзен танучылар да бар.