Башкортстанда исерек ир-ат үз анасын машина белән таптап үтергән. Бу турыда «Башинформ» хәбәр итте.
Учалы районы суды Туңгатар авылында яшәүче 38 яшьлек ир-атны сак астына алган.
Суд матбугат хезмәте белешмәсе буенча, 30 июньдә бу ир-ат исерек килеш машина руленә утыра һәм анасын таптый, аннары китеп бара. Имгәнгән хатын авария урынында үлә.
Җинаятьтә шикләнелүче ир-ат һәм аны яклаучы чикләү чарасын йомшаграк итүне сорый. Суд аны 2 айга сак астына алу карарын чыгара.