Исерек ир-ат дустын чүкеч белән тукмаган
Зыян күрүче 35 яшьлек дусты белән спиртлы эчемлек эчеп утырган.
Алабуга Үзәк район хастаханәсенә 29 яшьлек ир-ат китерелгән. Аның башы имгәнгән. Бу турыда Татарстан буенча Эчке эшләр министрлыгы матбугат хезмәте хәбәр итә.
Полиция ачыклаганча, ир-атны дусты тукмаган. Зыян күрүче 35 яшьлек дусты белән спиртлы эчемлек эчеп утырган, алар талашкан. Шул вакытта шешәдәше чүкеч алган һәм дустына берничә тапкыр суккан.
Һөҗүм иткән ир-атны участок полиция хезмәткәре тоткарлаган. Хәзер аңа карата җинаять эше кузгату мәсьәләсе хәл ителә.