Липецк өлкәсендә 33 яшьлек ир-атка карата җинаять эше ачылган. Тикшерү версиясе буенча, бу ир-ат гаебе белән килеп чыккан авариядә аның 8 яшьлек улы һәлак булган. «Вести» каналы шул хакта хәбәр итте.
Тикшерү комитеты белешмәсе буенча, фаҗига 11 июньдә Усман районында була. Nissan машинасы белән идарә итүче ир-ат исерек, ул идарәсен югалта һәм машина юл кырыена төшеп китә, әйләнеп каплана.
Фаҗигадә машина йөртүченең улы урында ук һәлак була, 10 яшьлек кызы имгәнә, аны хастаханәгә салалар.
Бу ир-атка 12 елга кадәр ирегеннән мәхрүм итү яный, диелә хәбәрдә.