Стәрлетамакның 1нче хастаханәсе табиблары бензин пычкысы белән яраланган ир-атны коткарган. Бу турыда «Башинформ» хәбәр итте.
Ишембай районында яшәүче ир-атны хастаханәгә 17 сентябрьдә китерәләр. Ул бик авыр хәлдә була. Хастаханәнең баш табибы Илшат Яппаров бу турыда «ВКонтакте»да язган. Табиблар ир-атның сул кулын саклап калу өчен тырышкан.
Баш табиб сүзләренчә, пациентның сул як иңбашы артериясен аутовена белән протезлаганнар. Үзәк нервын торгызганнар, нурсыман сөякнең башын алганнар, йомшак мускулларын теккәннәр.
Хәзер ир-атны реанимациягә күчергәннәр, уңай динамика күзәтелә, диелә хәбәрдә.
