Тимергали хәзрәт Юлдашев телеграм-каналында иртәнге намаздан соң кыла торган дога турында аңлатты.
Иртәнге намаздан соң Расүлебез нинди дога кылган?
– Өмме Сәләмә радыяллаһу ганһә Расүлебез салләллаһу галәйһи вә сәлләмнең иртәнге намазны укып сәлам бирү сүзләрен («әссәләмү галәйкүм вә рахмәтуллаһ» дип) әйткәннән соң, болай дигәнен риваять иткән:
Укылышы: «Аллааһүммә иннии әсьәлүкә гыйльмән нәәфиган вә ризкан таййибән вә гамәлән мутәкаббәлән».
Мәгънәсе: «Йә, Аллаһым, мин Синнән файда китерә торган гыйлем, хәерле ризык һәм кабул була торган гамәлләр сорыйм». (Ибне Мәҗе)
Ил-көннәребез имин, күкләребез якты, күңелләребез тыныч, ниятләребез дөрес булса иде. Раббым тынычлык, саулык-сәламәтлек насыйп итеп, безләрне иман байлыгы белән зиннәтләсә иде! – дип яза хәзрәт.