«Иртән велосипедта чыгып киткән». Түбән Камада югалган Ренат басуда янгында һәлак булган
Түбән Камада югалган 42 яшьлек Ренат Гариповны эзләүне туктатканнар. Ул басуда янгын вакытында һәлак булган. Бу турыда НТР 24 каналы «След» эзләү отрядына сылтама белән хәбәр итте.
1981 елда туган Ренат 27 апрельдә иртәнге 8ләр тирәсендә Шинниклар урамындагы йорт яныннан велосипедка утырып чыгып китә һәм югала.
Аның мәетен 1 майда басуда янгын вакытында табалар. Әлеге белешмәне «НТР 24» каналының үз чыганагы да раслаган.
