Бу атнада Татарстанга көндез һава температурасы +25..+26 градуска кадәр җитәчәк чын җәй киләчәк.
Татарстан Гидрометеорология үзәге мәгълүматлары буенча, дүшәмбе — 4 майда, аязучан болытлы һава көтелә, явым-төшем булмаячак. Җил көньяк-көнбатыштан һәм көнбатыштан 5–10 м/с тизлектә исә. Төнлә температура 0..+5 градус була, көндез +16..+21 градуска кадәр җылына.
5 майда һава торышы үзгәрми, әмма температура күтәрелә: төнлә +3..+8, көндез +20..+25 градус була.
Чәршәмбе, 6 майда, җил бераз кими. Явым-төшем һаман да көтелми. Төнлә тагын да җылырак — +7..+12 градус була, ә көндез термометр баганалары +21..+26 градуска кадәр күтәрелә, диелә хәбәрдә.