Иртәгә, 27 майда, Татарстанда яшен, кыска вакытлы көчле җил (секундына 15–20 метрга кадәр), томан һәм көчле яңгыр көтелә.
Гадәттән тыш хәлләр министрлыгы искәрткәнчә, урамга чыкканда сак булырга кирәк. Коткаручылар реклама такталары, юл билгеләре һәм агачлар астында ышыкланмаска чакыра.
Балаларны игътибар белән күзәтергә, шулай ук өлкән яшьтәге һәм сәламәтлеге белән проблемалары булган кешеләргә ярдәм итәргә кирәк.
«Ашыгыч хезмәтләрнең бердәм телефоны – 112», – дип искәртәләр ведомствода.