Иртәгә Татарстанда яшен һәм секундына 15-20 метрга кадәр тизлектә көчле җил көтелә. Кайбер районнарда боз яварга мөмкин, дип хәбәр итә «Татар-информ».
Гадәттән тыш хәлләр министрлыгы сак булырга киңәш итә. Урамда реклама такталары, юл билгеләре һәм агачлар янында ышыкланырга ярамый. Балаларга күз-колак булырга, өлкәннәргә һәм авыруларга ярдәм күрсәтергә кирәк.
«Экстрен хезмәтләр телефоны – 112», – дип искәрткәннәр ведомствода.