28 майда Татарстан территориясендә, шул исәптән Казанда, секундына 15-20 метр тизлектә көчле җил һәм томан көтелә. Бу хакта Россия Гадәттән тыш хәлләр министрлыгының республика буенча Баш идарәсе хәбәр итә, дип яза «Татар-информ».
Төнлә һәм иртән томан булачак, ә көндез көнбатыштан көчле җил көтелә. Һава торышы начар булу сәбәпле, Гадәттән тыш хәлләр министрлыгы республика халкына иминлек чаралары турында искә төшерә: реклама такталары, юл билгеләре, агачлар һәм электр линияләре астында качарга ярамый.
«Урамнарда һәм юлларда йөргәндә сак булыгыз. Балаларны караусыз калдырмагыз, өлкәннәргә һәм авыруларга ярдәм итегез. Ашыгыч хезмәтләр телефоны 112», – диелә хәбәрдә.