Гадәттән тыш хәлләр министрлыгы кисәткәнчә, иртәгә Татарстанда бозлавык көтелә. Бу турыда «Татар-информ» яза.
Республикада 22 апрельдә төнлә һәм иртән юлларның аерым участокларында бозлавык булуы турында кисәтәләр.
Татарстанлыларга сак һәм ашыкмыйча хәрәкәт итәргә, юлны бары тик билгеләнгән урыннардан гына чыгарга, балаларны контрольдә тотарга, өлкәннәргә һәм авыру кешеләргә ярдәм итәргә киңәш итәләр.
Гадәттән тыш хәл очрагында 112 номерына шалтыратырга кирәк, диелә хәбәрдә.