«Ирне калдырып китмиләр!» - Рузилә Хәертдинова Яңа елны гаиләсеннән башка каршылаган
Җырчы Рузилә Хәертдинова Яңа елны гаиләсеннән башка, дус кызы белән Сочида каршылаган. Инстачыларны бу гаҗәпкә калдырган. Алар әле дә сорауларын җибәрә икән.
«Яңа елны кызыгыз һәм ирегездән башка каршы алдыгызмы? Ничек тыныч күңел белән гаиләсез ял итеп була ул?» — дип кызыксынган кайбер инстачылар.
«Күз алдына китерәсезме? Әйе! Күңелем тыныч булмаса, китмәгән дә булыр идем. Аллаһка шөкер!» — дип җавап кайтарган җырчы.
«Ирне калдырып китмиләр инде! Нинди мода ул, уффф! Кызык сез, Рузилә!» — дип ачуланган берсе.
«Модадан калышып булмый бит инде. Һәрнәрсәдән позитив күрә белергә кирәк. Яңа еллар белән сезне!» — дигән Рузилә Хәертдинова.