"Әнием белән әтием мине бик озак көтеп алганнар. Урам башында гына урнашкан авыл роддомына әнием 8.30 шыпырт кына менеп киткән. Элек сабыр, тыйнак булган татар кызлары, оялу булган, беркем белми калган. Ә сәгать уннар тирәсендә мин дөньяга килгәнмен. Әнием, шатлыктан елап, мине кулына алган, бөтен бармакларымны санап чыккан һәм күзе минем борыныма төшкән. Борынның нәкъ очында бармак башы кадәр шәмәхә төсле миң күреп, куркуга төшкән. Ничек итеп кыз бала бу миң белән йөрер икән дип борчылган. Еллар үткән саен әкрен генә миң кимегән. Хәзер бөтенләй күренми диярлек. Бик нык борчылсам, артыгы белән шатланып куйсам, гадәти булмаган берәр хәл сизсә организм, шунда ук борын кызара. Кызарган борынымны күрсәгез, аптырамагыз", - дип яза җырчы.
Айсылу Лерон да моңа җавап итеп, ике каш арасында бик зур кызыл тап булуын яза. "Горбачевныкы кебек", - ди ул.
"Борын кызарса, хәерлегә ул!" - дип шаярткан укучылар. Иркәнең инстадуслары да бала тәнендә төрле миңнәр булган очракларны искә төшергәннәр.
Айсылу Лерон да моңа җавап итеп, ике каш арасында бик зур кызыл тап булуын яза. "Горбачевныкы кебек", - ди ул.
"Борын кызарса, хәерлегә ул!" - дип шаярткан укучылар. Иркәнең инстадуслары да бала тәнендә төрле миңнәр булган очракларны искә төшергәннәр.