Иркәнең элекке администраторы Илдар: «Хөрмәт итә идем… Ниһаять, күзем ачылды»
Администратор Ландыш Нигъмәтҗанованы яклавы турында язган.
Илдар Насыйров Татарстанның атказанган артисты Иркәнең концертын Ульяновск шәһәрендә оештырган булган. Әмма элекке администратор Иркәне хөрмәт иткән булса, хәзер исә фикере башка якка үзгәргән. Бу хакта ул Инстаграм битендә язган.
«Мин Ландыш Нигъмәтҗанова постын күргәч, шаккатым, дөресен әйткәндә, мин гаделлек өчен, һәм мин Ландыш Сезне яклыйм!
Әйе, мине күбесе белә, Иркәнең «поклоннигы», зурлап йөртүче дияләр иде, әмма чиге бар бит аның! Мин дә кушылыйм әле!
Ничәдәр ел элек мин аның группасында администратор идем. Ул безгә - админнарга төркемне ябарга кушты, имеш, бала тапканнан соң корсагы бик тә күренә икән, без шул комментарийны алып атмадык, Иркәнең ачуы килде һәм безне үз төркемен ябарга мәҗбүр итте! Аннары бер-ике көннән сорый бездән: «Сез нишләп минем төркемне бетердегез?» - ди.
Мин Ульянда анын концертын 2014-15 елда оештырган идем, минем булышуым аркасында зал шыгрым тулы иде! Аннары аның авыздан телен беркем дә тартып тормаган, «ялган өметләр» баглый иде: «Илдарга күтәрелергә, сәхнәгә менәргә, 500 кеше алдында әйтәм, булышырмын», — диде. Үз сүзендә тормады!
Аннары 2019 елның февралендә Иркәнең элекке администраторы — җырчы Рамилә Хәйретдинова шалтырата: «Концерт белән булыша аласыңмы, билетлар сатылып бетми», — диде. Мин «юк» дидем, чөнки ул үзенә булышкан кешеләрне хөрмәт итми һәм нишләп Иркә миңа үзе шалтыратмый, борын күтәргәнмени, дидем.
Ярар әле тагын бер хәл килеп чыкты, минем сольный концертым булды 2018 елда, мин җырчылардан видеокотлау сорадым, иң беренче булып «яраткан» җырчыма Иркәгә язган идем, видеокотлау яздыра алмыйсызмы дим, «Әйе, язам, әмма миңа исемә төшер», — диде. Ярар, искә төшердем һәм ул миңа ялган «авырый» торган тавышы белән: «Илдар, яздыра алмыйм, гафу ит!», — диде. Шулкадәр "наиграно", мин әйтәм шушы җырчыны хөрмәт итә идем, ә ул миңа 60 секундлык видео җибәрә алмаган! Котычкыч!
Мин Илсөя Бәдретдиновага мең рәхмәтлемен видеокотлау өчен, һәм «дуслык купере» концертында аңа да чәчәк бүләк иттем әле, ә Иркәгә үпкәләдем. Бәлки, мин бүтән җырчыга чәчәк буләк иткәнен күргәч, минем уйлавымча, ул Илсөя апа сезгә бераз ачуланган, яныгызга да басмады!
Аннары Адель Хәмзинга штраф сугарга маташа иде. Иркә, хөрмәтем югалды сезгә, кемнәр сезне хөрмәт итте чын-чынлап, сез аларны буяп бетердегез!
Шулкадәр ышаныч тудырды аның сүзләре! Ә дөресе, чын алдау булды! Инде ничә ел беләм аны, күпме тапкыр алдандым! Хөрмәт итә идем… Ниһаять, күзем ачылды», — дип язган Илдар Насыйров.
«Бер тама башласа, ташкын булып чыга», «менә сиңа мә», — дигән комментарийлар язган халык.