Иркә концертына ашыгыч ярдәм килгән
Сәхнә артында табиб ханым видео төшереп басып тора.
Җырчы Иркәнең Сармандагы концертында ашыгыч ярдәм хезмәткәрләре дә булган. Бу турыда Сарманнан Рамил Хәйретдинов инстаграмда язды.
«Иркәбезнең концертын күрергә дип, хәтта ашыгыч ярдәм хезмәткәрләре үз эшләрен калдырып киләләр! Дөрестән дә, бик матур дәртле программа, шәп энергетика», — дип язган Сарман кешесе.
Кадрларда табиб ханымның сәхнә артында Иркәне видеога төшереп торган күренә.