РСФСР халык артисты Ирина Мирошниченко вафат булган. Бу турыда РИА Новости хәбәр итте.
Аңа 81 яшь иде. Кайгылы хәбәрне МХАТ студия мәктәбе ректоры Игорь Золотовицкий җиткергән.
РЕН ТВ белешмәсе буенча, ул реанимациядә аңына килмичә үлгән. 30 июльдә аны грипп катлаулы узу сәбәпле хастаханәгә китергән булганнар. Икенче көнне йөрәге туктаган, кардиологлар йөрәкне эшләтеп җибәргән. Аннары актрисаны комага керткәннәр.
Ирина Мирошниченко «Я шагаю по Москве», «Дядя Ваня», «Андрей Рублев», «Это сладкое слово – свобода!», «Зимняя вишня» һәм башка фильмнар аша таныш.
