Ирек Фатыйховка Ришат Төхвәтуллин урынына гастрольләргә йөрергә тәкъдим иткәннәр
«Дуслар, Ришат Төхвәтуллинга пародия күрсәткәннән соң, «Ирек, сиңа бит аның урынына гастрольләргә йөрсәң дә була, дип әйттегез. Әйе, дуслар! Ләкин имиджны бераз үзгәртергә булдым», – дип сөйли мәҗлесләр алып баручы Ирек Фатыйхов.
Ул, җырчыга охшау өчен, аның образын кабатлаган. Башында – бөдрә чәчле парик, өстендә күн куртка һәм аның башкаруында – халык яраткан «Мәтәүтамак» җыры.
«Ришат Төхвәтуллинны бик яраткан идегез менә тагын берәү!» – дип яза пародия остасы.