Ире үлгәннән соң беренче тапкыр сәхнәгә чыккан Диана Гурцкая бөтен залны елаткан

Ире Петр Кучеренко үлгәннән соң, Диана Гурцкая берничә ай беркем белән дә аралашмады, комментарийлар бирмәде һәм сәхнәгә дә чыкмады. Беренче сентябрьдә генә ул «Белем көнендә йолдызлар белән» дигән концертта җырлаган, дип яза СтарХит.

Җырчы үзе кап-карадан киенгән, биючеләре ак киемнән. Диана комментарийлар бирмәгән, чыгыш ясауга кайтып киткән.

Диананың якыннары әйтүенчә, Петр аның бөтен тормышындагы мәхәббәте булган. Ул үлгәннән соң, дөнья тукталып калган кебек, дип әйткән. Ул беренче атналарда көн саен каберенә йөргән. Аңа сәхнәгә чыгарга кушканнар, әмма ул тыңламаган.

Май аенда фән һәм мәгариф министры урынбасары Петр Кучеренко Кубага делегация белән бара. Сөйләшүләрдән кайтып барганда, Кучеренко самолетта үзен начар хис итә башлый. Самолетны утыртып, пассажирны хастаханәгә алып китәләр, әмма ул үлә. Үлүнең сәбәбе тромб булуы ачыклана. Петр кабере янында Диана: ««Петенька, Петенька, как же так?» – дип өзгәләнә.

Хәзер Диана белән аның абыйсы һәм улы Константин яши. Малай әтисе турында постлар яза.