Ире ике кулын чабып өзгән хатынның балаларын тартып алырга җыеналар
Мария исемле хатынның ире узган ел декабрендә ике кулын чабып өзгән. Бу хатын иренә үпкәләмәвен әйткән иде.
Менә инде ярты ел дәвамында яшь хатын сәламәтлеген яхшырту белән шөгыльләнә.
Табиблар хатынга бер кулын кире тегеп куя алган. Икенче кулына бик яхшы протез ясаганнар. Ул шуның ярдәмендә яшәргә өйрәнә. Протез ясар өчен бөтен халык акча җыеп ярдәм итте.
Вәхши ир исә төрмәдә утыра. Ул балаларына хатлар яза. Төрмәдән кайтып, балаларын үзенә алырга җыена.
Мария сәламәтләнә башласа да, аның җаны тыныч түгел. Ире төрмәдән кайтып, балаларны тартып алыр дип куркып яши. Бу турыда Андрей Малаховның «Туры эфир» тапшыруында билгеле булды.
Маргарита сүзләренчә, Дмитрийның туганнары оныклары белән очрашу таләп итә. Инвалид калган хатынның туганнары исә «әтиең яхшы, әниең начар» дип балаларны котыртырлар дип курка.
- Серпухов шәһәрендәге коточкыч җинаять турында хәбәр бөтен Россиягә таралган иде. Ул вакытта журналистлар белән әңгәмәсе вакытында, ике бала анасы көнче иренә үпкәсе булмавын белдерде.