Иранда теракт: кораллы кешеләр парад вакытында ут ачкан - видео
Көньяк Ирандагы теракт нәтиҗәсендә дистәдән артык кеше һәлак булган.
Ахваз шәһәрендә хәрби парад вакытында һөҗүм ясала. Трибуна артында торган дүрт кеше хәрбиләргә ата башлый, дип яза РИА Новости Press TV телеканалына сылтама белән. Уннан артык кеше һәлак булган, 21 кеше тән җәрәхәтләре алган. Һәлак булучылар арасында сигезе - хәрбиләр, берсе журналист. Ике террорчы үтерелгән, икесен кулга алганнар.