Җир тетрәгәндә йортсыз калган ир-ат мәгарәдә тычканнар һәм еланнар белән яши башлаган
2023 елның 6 февралендә Төркиянең Хатай өлкәсендә җир тетрәгәндә йорт-җирсез калган 55 яшьлек Али Бозоглан инде 2 ел мәгарәдә яши. Әмма аның хатыны һәм 3 баласы уңайлырак тормыш шартларын сайлаган. 2023 елда бәла-казага юлыккан гаиләгә хакимиятләр «контейнер» бирә. Әмма гаилә башлыгы иминрәк һәм аулаграк яшәү җире сайлаган, дип яза «Комсомольская правда» телеграм-каналы.
Ир-ат җирле матбугат чараларына интервью биргән. Аңа мәгарә тормышы бик ошый икән. Бары тик электр, тычканнар һәм еланнар проблемасы гына бар, ди. Тик ул аларга игътибар да итми диярлек, чөнки бу урын аңа тынычлык бирә.
