Ир кеше баланы капюшоныннан сөйрәп йөрткән

Вашингтон аэропортында бер ир-ат алсу төсле куртка кигән баланы капюшоныннан сөйрәп алып барган. Бу хәлне шаһитлар видеога төшергән. Әлеге кадрларны YouTube хостингында ViralHog исемле кулланучы куйган.

Ишеккә таба баручы ир-ат сумка кебек итеп кыз баланы капюшоныннан сөйрәп бара. Арттан тагын бер бала йөгерә. Алар өчесе дә тып-тыныч, беркем дә еламый да, талашмый да.

Социаль челтәр кулланучылар һәр ата-ана шул чиккә җиткән вакыт була дип яза.