Җир җиләге кайнатмасыннан пирог
“Әлмәт таңнары” газетасыннан тиз генә пешереп ала торган җир җиләге пирогы рецептын тәкъдим итәбез.
Камыр өчен: 100 г сөт, 2 йомырка, 100 г шикәр комы, 100 г ак май, 250-300 г он, 1 бал калагы сода, кирәгенчә тоз.
Савытка йомырка, сөт, шикәр комы, эретелгән атланмай, сода, тозны бергә яхшылап болгатырга.
Камыр каймактан куерак булырга тиеш.
Барлыкка килгән кушылмага 300 грамм җир җиләге кайнатмасы салып, тагын болгатырга.
Табаны майларга, камырны шунда бушатырга, тигезләргә һәм 50-60 минутка газ мичендә пешерергә кирәк.
Пешеп чыккач, бәлеш өстенә шикәр оны сибәргә.
Мондый бәлешне башка кайнатмалардан да пешереп була.