Ир белән хатын сабый баланы кислотада эреткән
Нәни кыз ваннада юынганда тончыккан.
Американың Техас штатындагы Ларедо шәһәрендә өч яшьлек кыз бала ваннада батып үлгән. Кызның әтисе белән әнисе мәетне кислотада эреткән. Әлеге хәбәрне Daily Star басмасына сылтама белән «Московский комсомолец» сайты яза.
Сабый ваннада юынганда батып үлә. Мәрхүмә кызның әтисе белән әнисе мәетне яшерергә ниятли. Алар ваннага 23 литр кислота сала һәм мәетне шунда батыра.
Бу гаиләдә сабый бала күренми башлагач, күршеләр полициягә хәбәр итә.
Хокук саклау органы хезмәткәрләре гаилә яшәгән йортка килә. Алар мәет калдыкларын таба, диелгән әлеге хәбәрдә.
