Ир белән хатын икесе бер көнне коронавирустан үлгән
Алар прививка ясатмаган булган.
Петрозаводск шәһәрендә Республика йогышлы авырулар хастаханәсендә бер көнне ир белән хатын вафат булган. Бу турыда төбәк буенча Сәламәтлек саклау министрлыгы башлыгы Михаил Охлопковка сылтама белән Карелинформ яза.
1937 елда туган ир-ат һәм 1935 елда туган хатын-кыз Яңа елдан соң коронавирус иярткән. Михаил Охлопков сүзләренчә, аларның икесенең да хроник авырулары булган. Шуңа күрә алар ковид катлаулы формада узган. Өстәвенә алар икесе дә прививка да ясатмаган.
«Озын һәм бәхетле гомер кичерделәр һәм бер көнне үлделәр — гадәттә матур әкият шулай тәмамлана. Кызганычка каршы, реаль тормышта кешеләр фаҗигале итеп үлеп китә», — ди Михаил Охлопков.