Ир-атлар хатын-кызлардан нинди ис килгәнен яратмый?
Күлмәк бик матур булса да, ошамый торган ис килсә, егетләр бу кыз янынан тизрәк качу җаен карый, ди белгечләр.
Хатын-кыздан килә торган ис — аның шәхси исе була. Хушбуй ясаучылар «ис — хатын-кызның киеме» дип тә әйтә. Тик ир-атларга ошамый торган исләр дә була. Бу турыда киңәшләр сайтында язылган.
Егетләргә әбиләр исе ошамый. Ир-атлар иске хушбуйларны яратмый. Мәсәлән, инде дистә еллар популяр булган, классикага әверелгән исне егетләр ошатмый инде. Яңа хушбуйлар да бик күп — шуларны карагыз.
Ваниль исе дә ирләрнең күбесенең күңелен кайтара. Ул бик татлы, ә егетләр кызлардан шундый ис килгәнне ошатмый.
Бик баллы хушбуй сипкән хатын-кыз янында басып тору да кыен. Өстәвенә, бу кыз өстенә ярты шешә хушбуй сипкән булса, бигрәк тә.
Ир-атлар хатын-кыздан алкоголь исе килгәнен дә яратмый. Шулай ук тәмәке исе дә ошамый. Ир-атлар тәмәке төпчеге савыты белән үбешергә теләми, диелә бу хәбәрдә.
