«Ир-ат хатын-кыз өчен бик мәшәкатьле»: галимә кызларны укытуны зур хата дип саный
![«Ир-ат хатын-кыз өчен бик мәшәкатьле»: галимә кызларны укытуны зур хата дип саный](https://intertat.tatar/resize/shd/images/uploads/news/2023/11/15/24d9e5b974e7955e7a848ac45ca2a508.jpg)
Биология һәм биомедицина институты директоры, профессор Мария Ведунова хатын-кызларга кагылышлы бик тә кызыклы фикерләре белән уртаклашты. Түбән Новгородның Лобачевский исемендәге Дәүләт университеты галимәсе сүзләренчә, хатын-кызларга белем алу хокукы бирү – кешелекнең бик тә зур ялгышы.
«Кешелек хатын-кызга белем алу мөмкинлеге биреп, зур хата ясады. Хатын-кыз яшәгән, аның тавыш бирү хокукы булмаган, ул тулысынча ир-атка бәйле булган. Һәм кинәт кенә аның ир-атка караганда акылсызрак булмавы ачыкланды. Ә шул ук вакытта аның хокуклары ул тулысынча ир-атка бәйле булгандагы кебек кала. Әлбәттә, ул тигез хокуклы булырга тели.
Хатын-кызның белем алу хокукы хатын-кызны уңышлы итә. Хатын-кызга белем биргәндә, без дөньяга яңа караш, яңа мөмкинлекләр, күп мәсьәләләрне хәл итү мөмкинлеге бирәбез, һәм бу – аны гаиләсеннән алып китә.
Уңышка ирешә торган хатын-кыз эштә үз урынын табарга тиеш, ул бизнес-процесслар эшләргә, фән докторы булырга тиеш.
Ә кем бала табачак, алар турында кайгыртачак, тәрбияләячәк? Көн 24 сәгатьтән генә тора. Хатын-кыз бөтенләй йокламый башласа да, ике тормышта яшәү бик авыр. Шуңа ул гаиләдән китү, баласыз яшәү рәвешенә күчү, үз-үзеңә авырлык китерә торган кайбер әйберләрдән китүне сайлый. Ир-ат хатын-кыз өчен бик мәшәкатьле. Бу вакытны бит искиткеч бизнес процессына сарыф итәргә була. [Бу безгә нәрсә белән куркыныч?] Бу – безнең мәдәниятебезнең, цивилизациябезнең һәлак булуы», – дип сөйләгән ул интервьюсында.