Казанның Гудованцев урамында балигъ булмаган кыз имгәнгән. Бер ир-ат аның муенына пычак кадаган. Бу турыда «Татарстан 24» каналы хәбәр итте.
Якынча белешмә буенча, һөҗүм үч аркасында килеп чыккан. Ир-атның үги улы колониядә утыра. Ул, бу хәлдә кызның гаебе бар, дип саный, имеш, шушы кыз аркасында аның үги улы колониядә. «Татарстан 24» каналы хәбәрчесенә шул хакта билгеле булган.
Яраланган кыз якындагы урындыкка кадәр барып җитә һәм аңын югалта. Авыр хәлдә аны Республика балалар клиник хастаханәсенә илтәләр. Һөҗүм итүче ир-ат тоткарланган, диелә хәбәрдә.