Санкт-Петербург шәһәренең Колпинск районында ир-ат 47 яшьлек абыйсын кайчы кадап үтергән, дип хәбәр итә «РЕН ТВ» чыганагы.
13 март көнне Металлострой бистәсенең Полевая урамындагы 3 бүлмәле фатирда бертуганнар арасында бәхәс чыга.
«Ашыгыч ярдәм» бригадасы култык астына кадалган кайчы белән яраланган ир-атны коткарырга тырышып караган. Табибларның тырышлыгына карамастан, ул үлгән», – дип сөйли әңгәмәдәш.
46 яшьлек шикләнелүчегә карата үтерү буенча җинаять эше кузгатылган (РФ Җинаять кодексының 105нче маддәсе, 1нче өлеше).
