Кичә Казанда «Полимер» бакчачылык ширкәте янындагы күлдә үсмер малай батып үлә. Бу турыда Гадәттән тыш хәлләр министрлыгына сылтама белән «Татар-информ» хәбәр итте.
Урынга коткаручылар килә. 17 яшьлек егет мәетен ярдан 40 метр ераклыкта 7 метр тирәнлектә табалар. Аны ярга алып чыгып, полиция хезмәткәрләренә тапшыралар.
Егет күлгә иптәшләре белән килгән. Бер мизгелдә дуслары аны күздән югалткан. Үсмерләр биредә үзләре генә була, ә бу урын су коену өчен җиһазландырылмаган, диелә хәбәрдә.