Күчемсез милек сатып алганда кредит килешүләренең күбесе буенча срокның беренче яртысында – процентлар, ә аннары гына займ буенча төп бурычны түләү карала. Ләкин экономияләү ысулы да бар. Бу хакта «Банки.ру» порталы аналитигы Инна Солдатенкова белдерә, дип язалар киңәшләр сайтында.
Эксперт сүзләренчә, ипотека срогының беренче яртысында айлык түләүнең күп өлеше процентлар түләүгә бара. Солдатенкова, экономияләү өчен, мөмкин кадәр өстәмә түләү кертеп барырга киңәш итә. Түләүләрне киметергә хәтта 5-10 мең сум түләү дә ярдәм итәчәк.
Аналитик өстәмә түләүләрне айлык түләү көнендә кертергә киңәш итә, ул вакытта бөтен сумма төп бурычны түләүгә китәчәк.
Аның сүзләренчә, акчаны шулай ук саклык кертеменә салырга мөмкин. Әгәр аның буенча процент ипотека буенча процентка караганда югарырак булса, мондый стратегия отышлы булырга мөмкин. Башка очракта табышны югалту куркынычы бар, диелә хәбәрдә.
