![Ипи рецепты](https://intertat.tatar/resize/shd/images/uploads/news/2023/2/8/5427aeaae36281e5a885172f3bb0607e.jpg)
Кама Тамагында яшәүче Гөлгенә Сабитовадан ипи рецептын тәкъдим итәбез.
Ипи пешерү өчен 530 грамм он, 9 гр тоз, 4 гр коры чүпрә, 420 мл җылымса су кирәк була.
Онга тоз һәм чүпрә салып болгатырга. Шуңа су салып камыр ясарга. Камырны табагында калдырып, өстен пленка белән каплап, җылы урында 2 сәгать тотарга. Төнгә холодильникка алып куярга, пленканың кырыен аз гына ачык калдырырга. Икенче көнне суыткычтан алгач, тактага он сибеп, камырны төшереп түгәрәкләргә.
![](https://intertat.tatar/images/uploads/56a54ecc9715bac1c983b12a39391fa9.jpg)
Фото: © Гөлгенә Сабитова
Табага бераз он сибеп, түгәрәк камырны салырга. 1 сәгать камыр ял итә, бераз кабара. 1 сәгатьтән соң түгәрәк ипинең өстенә сызыклар кискәләп җибәреп, бераз он сибәргә.
200 градуска кадәр кызган духовкада 45 минут пешерергә.
«Гаиләмә ошады, хәзер кибеттән ипи сатып алмыйбыз, диделәр», – дип яза хуҗабикә.
![](https://intertat.tatar/images/uploads/51c14962b7db7e6c4cb24963c6f1b57d.jpg)
Фото: © Гөлгенә Сабитова