«Йөзе җәрәхәтләнгән, колагы өзелгән». Түбән Камада эт талаган кызның хәле турында билгеле

Татарстан Сәламәтлек саклау министрлыгында Түбән Камада бультерьер һөҗүм иткән 12 яшьлек кызның хәле турында сөйләделәр, дип яза «Татар-информ».

«Хәле тотрыклы, уңай динамика күзәтелә. Белгечләрнең даими контролендә, бүлектә аңа кирәкле барлык медицина ярдәме күрсәтелә», – дип хәбәр иткән ТР Сәламәтлек саклау министрлыгы матбугат хезмәте.

Элегрәк хәбәр ителгәнчә, шимбә көнне Түбән Камада бультерьер 12 яшьлек кызга һөҗүм иткән – аның йөзе җитди җәрәхәтләнгән, колагы өзелгән. Әлеге вакыйгадан соң җинаять эше кузгатылган, эт хуҗасының һәм шул көнне аны йөрткән кешенең шәхесләре ачыкланган. Хуҗасының фатирында тикшерүчеләр эшләгән. Хәзерге вакытта ул тоткарланган.

Кыз хәзер Яр Чаллыдагы Кама балалар медицина үзәгенда дәвалана, аның хәлен табиблар тикшереп тора, диелә хәбәрдә.